Sommaren er no over og me har lyst å starta opp att dugnadsarbeidet med bryggjo vår. Jon Arne Sekse og Erling Børve har skrudd saman stokkane. Me har no litt meir skruarbeid før me startar med meir avstiving av kaien. Til slutt skal me leggja golvbjelkar og tredekke av impregnert plank på heile bryggja. Det skal verta ein flott samlingsplass for både unge og gamle.
Dronebilde av Espen Bukve
Bryggja vert på ca 100 m2. Det hadde vore flott visst ein eller to snikkararar kunne ha ført vidare arbeidet med hjelp av oss » vanlige » folk. Håpet vårt er å få ferdig dette arbeidet før vinteren. Ta kontakt med Øyvind Andersen eller Bjørn Terje Svoldal når det gjeld dugnad.
Om 2 til 3 veker vonar me og å sjå det fyrste slepet av bølgebrytarar som kjem sjøvegen frå Tysnes. Det vert krona på verket av det som skal verta den flotte båthavna vår. Bølgebrytarane vert ferdig montert av leverandør. Men sjølve utliggjarane skal setjast saman og monterast til bølgebrytarane på dugnad.
Me har no selt 34 plassar og har endå plass til 6 båtar. Fyrste utbyggingstrinn er planlagt til å kunna ta 40 plassar. Totalt har me løyve til inntil 50 plassar, og me kan utvida til det visst interessa er stor nok.
Gladmelding til alle i Indre Austsio. No kan dei som har kjøpt båtplass i Grannabryggjo starta båtpussen eller gå til innkjøp av båt ! Og dei som ikkje har kjøpt plass kan ringja Terje Mala (sjå bilete) for meir info. Det er fortsatt ledige plassar.
Bølgebrytar med utliggarar
Komplett brygge er no bestilt frå Marinegruppen på Tysnes. Det er ei beregna leveringstid på 2-3 månader. Det vert nok juli/august før alt er klart.Sjølve bølgebrytaren kjem sjøvegen frå Tysnes. Seljaren vil stå for montering og forankring . Bølgebrytaren er støpt i betong 3,30 m brei. Lengden vert 112 m . I tillegg kjem ein arm på 40 m som er vinkla 90 grader mot land. Dette vert eit nytt landemerke. Ei mektig og vindbeskytta havn . Samstundes er det under bygging ein ny bygdepark. Ein må berre beundra alle dei som har funne vegen hit og delteke i ein storstilt dugnad.
Minner om at torsdag 3. mai, kl 17 samlast me i Grannabryggjo til strandrydding. Der deler me oss i grupper og fordelar det området me rekk over.
IHM har sett på plass kontainer til avfallet. IHM supplerer søppelsekkar som Magne Eivind Moe har henta i heradet.
Me oppfordrar alle til å ha på seg refleksvest og ha med hanskar. Om noken har med ein kaffitår til å avslutta det heile med er det flott. Ta med kopp !!
Føyk og IAG samarbeider om å legge til rette grillområde, samleplass, trekai, gangpromenade og badestrand i forbindelse med båtanlegget som er under opparbeiding på Sekse.
Me treng i den forbindelse ein del dugnadsinnsats framover.
Gje tilbakemelding om de er interessert i å bidra!
No byrjar ein å ana korleis det vil verta sjåande ut på den framtidige samlingsplassen i grenda.
Grannabryggjo tek form. Oppfylling og muring er i full gang.
Det er berre å ta hattane av for det formidable dugnadsarbeidet som er lagt ned for å få til småbåthmn og alt det andre som er tenkt inn her når «Grannabryggjo» er ferdig.
Det har vore lite og ikkje drahjelp utanfrå. Alt – frå reguleringsplan til ferdig anlegg – er så godt som sjølvgjort.
Oppfylling mellom moloen og rasteplassen i bakgrunnen, er i full gang.
På årsmøtet til Grannabryggjo i Grannatun 8. mars skal me ta stilling til framdrifta i anlegget. Styret har arbeidd med 3 leverandørar av bryggjer og har landa på Marinegruppen på Tysnes. I bassenget der bølgedempar skal liggja er det lagt ut ei kanne. Bølgedemparen på 112 meter skal gå frå piren og ut til denne kanna, derifrå vert det ein arm på 40 meter vinkelrett mot land.
Det er seld ca 35 plassar hittil. Anlegget er dimensjonert for 50 plassar. Her er det berre å melda seg på mens det er ledige plassar.
Midt på biletet er det pæla i sjøen. Dette er starten på eit flott bygdeprosjekt i regi av Føyk og Indre Austsio Grannalag. Desse to laga har løyvd kr 70 000 kvar. Ytterst over sjøen der pælane står vert det ein trekai på ca 50 m2 og innanfor den vert det eit tilsvarande landområde. Her skal det murast og byggjast. Me vil binda saman dette området med badestranda. Me vil etterkvart samla bygde til dugnad slik at så mange som mogeleg kan føla eigarskap til denne nye samlingsplassen . Benkar , grill etc vil få sin naturlege plass.
Styret har arbeidd med å få tak i tilstrekkeleg med steinmassar og plastringsstein for å koma vidare i prosessen.
Brødrene Kråkevik har køyrt plastringsstein til oss frå fjellhallane på Boliden. Massane får me gratis, men det er transporten som kostar.
Me er no i dialog med fleire for å få tak i meir massar og reknar med at me innen kort tid har ei løysing på det. Dessverre har me ikkje fått meir massar frå Deildo. Heradet har prioritet der og har no fått mykje massar til sentrumsområdet på Lofthus.
Ei stor gravemaskin kjem på plass på nyåret. Då startar Stig Hesjedal med plastring av piren . Deretter skal landområdet bearbeidast. Då skal det verta parkeringsplass, gang-og sykkelveg og friområde bort mot badestrand.
Bygget som er planlagt i båthamna vil verta eit frittståande prosjekt når området elles er klart. Sjølve tomte til bygget vil verta planert så langt det let seg gjera og så er me avhengige av endå meir stein til utfylling. Dette vil verta eit felles bygdeprosjekt som krev både midlar og dugnadsinnsats.
Fundamentet som er bygd på dugnad ytterst på piren vert inngangsporten til båtplassane. Grannabryggjo er no i dialog/forhandlingar med 3 leverandørar av utstyr til etablering av båtplassar. Dette er Marina Solution i Ørsta. Marinegruppen på Tysnes og Vik-Ørsta , også dei etablert i Ørsta. Me har i samarbeid med dei kome fram til ein annan modell enn den me fyrst såg for oss. Styret har og vore på befaring på fleire båtanlegg, bl.a i Strandebarm og Granvin. Me kan då byggja vidare på erfaringar derifrå og har sett kva løysingar dei har gått for.
Det vert eit krevande prosjekt økonomisk og det er pr. i dag selt 35 båtplassar. Me har plass til 50 båtar totalt i annlegget. Til fleire me får seld til rimelegare vert kvar båtplass. Når alle plassane er seld vil nok verdien på desse berre auka framover.
Prisen pr plass avheng av kor stor båt du har tenkt å ha. Dei rimelegaste plassane vil disponera omlag 2 meter. Deretter prisar me pr 10 cm ekstra fram til den breidden folk ynskjer.
Me oppmodar alle dei som går med draumar om eigen båt å ta kontakt med styreleiar Terje Mala eller Randi Selvåg Fresvik som kan gjera avtalar om båtplass.
Me treng og nye medlemmer i Grannabryggjo. Som medlem vil du vil kunna ta del i utviklingen av området og har same rettigheitane som båteigarane. Båtplassen kan eventuelt koma seinare.
Dette vert eit flott prosjekt og ikkje minst ei trygg hamn for båtane. Bryggene vert tilrettelagt med straumsøyler og vannpostar. Det kjem til å verta eit nytt landemerke for bygdane våre. Det vert og ein samlingsplass der båteigarar og andre kan samlast over ein kaffikopp i maritimt miljø.
Grannabryggjo har og meld seg inn i : Kongelig Norsk Båtforbund (KNBF)
Som er Norges største og einaste landsdekkende interesseorganisasjon for fritidsbåtbrukarar. Her vil me og få gode forsikringsordningar og medlemsfordeler for båteigarane.
Etter ein liten stillstand er Stig Hesjedal no i gang med plastring av pir. Me har fått ein gunstig avtale med Brødrene Kråkevik. Dei har sett ei stor maskin her som me betalar for dei timane me brukar.
Stig startar her plastring på pir.
Her er plastingssteinane såvidt synlege. Steinane er lagt ned på meir enn 2 meter under fjæra sjø. Stig har innretta arbeidstide si etter fjøra sjø. All honnør for det.
Alle har sikkert fått med seg at det er kome mykje stein og massar ned til Grannabryggjo.
Karl Magnus Andersen på Midt Sekse donerte heile steinrøyse si til prosjektet. All steinen som no er kome ned kjem derfra. Me trefte midt i ein regnversperiode slik at veien hans vart heilt nedkjørt, men ved hjelp av Br. Kråkevik, Frode Sekse og ein god dugnadsgjeng vart alt i skjønnaste orden etterpå. Takk for flott innsats ! No ser me framover til neste økt.
Grannabryggjo sett nordover
Her er det laga ny veg ned i sjøkanten. Ytterst på den vesle trebryggja mot nord i biletet skal muren sørover mot piren starta. Steinen som ligg her skal nyttast til plastring/muring.
Piren og landfylling
Her ser me piren som no er ferdig fylt. Det er midlertidig lagt stein på kantane.Ferdig pir vert forlenga med ca 7-8 m ved å leggja opp stein ytterst. Frå ytterkant av pir skal det monterast bølgebrytarar nordover. På innsida av bølgebrytarane vert det utliggjarar til båtar.
Det er påbegynt fylling i «kroken» innerst ved pirfoten. Dette skal vera fundamentet til bygningar som bl.a. skal romma kajakksenter.
Steinmassar plassert på begge sider av veg ned mot sjøen
Steinmassane langs vegen nordover skal nyttast til plastring i strandlinja frå liten trekai bort mot pir.
Langs denne plastringen i sjøkanten skal det byggjast trekai som gangvei langs sjø og den skal og ha utliggjarar til båtar.
Me satsar på å ha på plass gravemaskin til plastring i juni.
Me oppfordrar alle som har, eller veit om noken som har steinmassar og/eller plastringsstein å melda frå til leiaren i Grannabryggjo som er Terje Mala.
