Gladmelding til alle i Indre Austsio. No kan dei som har kjøpt båtplass i Grannabryggjo starta båtpussen eller gå til innkjøp av båt ! Og dei som ikkje har kjøpt plass kan ringja Terje Mala (sjå bilete) for meir info. Det er fortsatt ledige plassar.
Komplett brygge er no bestilt frå Marinegruppen på Tysnes. Det er ei beregna leveringstid på 2-3 månader. Det vert nok juli/august før alt er klart.Sjølve bølgebrytaren kjem sjøvegen frå Tysnes. Seljaren vil stå for montering og forankring . Bølgebrytaren er støpt i betong 3,30 m brei. Lengden vert 112 m . I tillegg kjem ein arm på 40 m som er vinkla 90 grader mot land. Dette vert eit nytt landemerke. Ei mektig og vindbeskytta havn . Samstundes er det under bygging ein ny bygdepark. Ein må berre beundra alle dei som har funne vegen hit og delteke i ein storstilt dugnad.