Espe bygdekvinnelag inviterer til julebasar på Espe grendahus sundag 25. november kl. 17.00.
Det blir stor julebasar med masse gevinstar.
Sal av kaker, kaffi, brus, loddar på bok og årer.
Ta med familie og venner på ei koseleg førjulstid.
Me tek både kontant og vipps.
Prøvemastene er sett opp.
Mesta har sett opp 2 prøvemaster nederst på Jon Arne Sekse sin eigedom mot Flisabakken.
Desse skal stå i ein periode slik at folk kan danna seg ein meining om korleis dei fungerer.
Ljoset er drive av sollcellepanel. Det er viktig at folk gir tilbakemelding om funksjon.
Ljoset er programmert til å slå seg på og av og har og rørslesensor. Det me har oppdaga er at ljoset slår seg av ca kl 0630 om morgonen. Me har gitt tilbakemelding om dette. Den viktigaste tida med ljos er jo når ungane går til skulen.
Dette er upløgd mark også for statens vegvesen. Dei har ingen erfaring med denne typen belysning. Derfor er dette ein prøveordning for vegvesenet og. Det er jo dei som skal drifta det og. For dei er det viktig at dei gjev godt nok ljos utan å kreva for mykje vedlikehald.
Gje gjerne ein tilbakemelding til underteikna. IAG vil videreformidla til tenesteleiar i Ullensvang Herad , Marit Ystanes, som er heradet sin kontaktperson. Ho har verkeleg stått på for gje Seksevegen gateljos. Men som alltid er det pengar som begrensar. Fylket har gjeve oss 2 millonar til gateljos.
Det ideelle hadde vore stålmaster med kabel i grøft. Dette er standard i henhold til Statens vegvesenet sine kriteriar for gateljos. Men dette ville hatt ei kostnadsramme på ca 5 millonar, Derfor har heradet no sett på andre og rimelegare løysingar.
Visst ikkje me vert einige og får til ei akseptabel løysing i løpet av 2019 vil pengane gå tilbake til Fylkeskommunen.
Karl Arvid Andersen
IAG
Etter ei vellukka treningshelg i januar vil me gjenta dette Kjersti M. Føllesdal kjem att og det vert nokonlunde same opplegg som sist, bortsett frå fredagen.
Laurdag 10. november: kl. 10.00 – 11.00: Uthaldenheit og styrke kl. 11.00 – 12.30: Yoga Flow Felles lunch etter treninga.
Bygdekvinnelaget handlar inn og lagar til Sundag 11. november:
NB! ME STARTAR OPP KL. 11.00 SUNDAG! Kl. 11.00 – 12.00: Styrke Kl. 12.00 – 12.15: Yoga Flow.
Ta med: Tjukkelabbar, god gensar, teppe+ treningsmatte og strikk (lang) for dei som har dette.
Velkomen til ei inspirerande og sprek helg på Sekse!!
Pris kr. 300.- Påmelding til Signe Lise Børve Me har nokre ledige plassar enno. tlf. 48213341 evt. epost: siliborve@gmail.com seinast torsdag 8/11. Helsing Børve/sekse bk.lag
Torsdag 11. oktober invaderte dei godt vaksne frå heile austsida av Ullensvang – «Grannatun» på Sekse. Børve, Sekse, Espe eldrelag hadde invitert dei to andre laga – Lofthus pensjonistlag og Kinsarvik pesjonistlag til kulturell og koseleg samkome.
Hovudtrekkplasteret var Magne Velure (biletet), som fortalde om, og las frå boka «Kvardagsord» og andre tekstar frå bloggens hans «Jakobs bok».
Her ynskjer leiar, Jon Arne Meland velkomne til dei rundt 70-80 frammøtte. Han er flankert av gamaldansgruppa «Siste utveg», som slett ikkje lever opp til namnet sitt. Tvert imot. Frå venstre ser me Alf Hunnålvatn, Ottar Sekse, Harald Opedal, Sjur Oppedal og Egil Urheim.
Fleire av dei frammøtte nytta høvet til å krydra stunda med gode stubbar og helsingar.
Leif Harald Ystanes var ein av dei.
Leiar i Kinsarvik pensjonistlag, Kjell Husebø, ein annan.
Salen i ungdomshuset på Sekse, er ei vakker råme kring samlinga. Ikkje minst måleria og teikningane til Kari Vivelid.
Her ventar ein på maten.
Det kribla i ein del danseføter når gladgutane frå Ringøy, Kinsarvik og Stronde sleppte seg laus.
Det vanka både mat, kaffi og kake. Og til slutt var det åresal.
No har endeleg Seksevegen fått rett fartsskilting. Til no har det vore ulike tolkingar, og til dels feilskilting, noko som vart oppdaga i samband med at det skulle planleggjast vegljos langs vegen.
Nokon meinte til og med at fartsgrensa var 80 km/t når du kom ein veg, og 60 den andre. Dei nye skilta fortel med tydeleg skrift at no er det 40 som gjeld.
To skilt ved starten på 40-sona, og…….
…..eitt påminningsskilt for kvar 500 meter på høgre sida.
Me legg elles til at fundamenta til dei to fyrste led-solcelle-vegljosmastene er støypte. Mastene er såleis snart klare for montering. Dei er plasserte rett sør for Flisabakken, der dei eksisterande ljosmastene stoppar. Så snart ein har funne ut om en nye teknologien fungerer, skal til saman 100 vegljos gjera det trivelegare for alle dei som ferdast langs vegen. Ikkje minst er dette og ein skuleveg for mange.
Sundag fyrstkomande inviterer Espe bygdekvinnelag til farsdagsmiddag klokka 16.00.
På menyen står betasup, kaker, brus og kaffi, som du kan få kjøpt.
Dette skjer sjølvsagt i Espe grendahus,
og alle er velkomne.
Eit nytt landemerke er på veg til Sekse
Sekse vert no ein ny attraksjon rikare. Grannabryggjo skal no endeleg få på plass si lenge etterlengta båthamn. Etter mange utsetjingar vert det no full fart framover. Bølgebrytaren me ser på biletet er 112 m lang og skal gå ifrå piren og nordover. Etter kvart kjem den siste på 40 m, som skal vinkla inn mot Grannatun.
No skal det monterast utliggjarar til båtane. Dette skal gjerast på dugnad av båteigarane. Det er hittil selt 35 plassar og det er i fyrste omgang plass til 40 plassar. Men dette kan aukast ved behov.
Gunnar Fresvik som er havnesjef i Grannabryggjo ser til at alt går rett for seg. Gunnar har gjort ein formidabel jobb og hatt kontakten med leverandøren og klargjort alt for mottak.
Ta med deg spøtet og naboen
Det vert strikkekafe på Bygdarommet på Sekse
ONSDAG 31.oktober 2018 kl. 18. – 20.
Marianne kjem og syner oss korleis ein kan strikke til dømes to ermar eller to vottar på ein gong (magic loop).
Kom!!!!
Helsing Børve/Sekse bygdekvinnelag
Etter ei vellukka treningshelg i januar vil me gjenta dette
Kjersti M. Føllesdal kjem att og det vert nokonlunde same opplegg som sist, bortsett frå fredagen.
Laurdag 10. november:
Sundag 11. november:
Kl. 10. – 11.00: Styrke
Kl. 11. – 12.15: Yoga Flow
Ta med: Tjukke labbar, god gensar, teppe+ treningsmatte og strikk (lang) for dei som har dette.
Velkomen til ei inspirerande og sprek helg på Sekse!!
Påmelding til Signe Lise Børve
tlf. 48213341 evt. epost: siliborve@gmail.com snarast mogeleg.
Helsing Børve/sekse bk.lag
Ei heilt ny løysing, dukka opp på eit møte mellom Ullensvang herad og grunneigarane på Sekse torsdag kveld. Gløym luftspenn, kabel og grøft. No er det solcelle og led som tel. Dei to fyrste teststolpane kjem opp om få dagar.
Johannes H. Sekse
I 2017 løyvde Hordaland fylkeskommune 2 millionar kroner til vegljos langs Fylkesveg 101, Seksevegen. Ullensvang herad fekk oppdraget med å gjennomføra prosjektet.
Ein valde trestolpar og luftspenn og «Mesta» fekk tilbodet i konkurranse med tre andre. Kostnaden deira var under halvparten av den nærmaste.
Motstand
Men det vart motstand mot luftspenn. Så vart det halde synfaring saman med Mesta, Statens Vegvesen, Kinsarvik breiband og Hardanger Energi for å vurdera ei kombinasjonsløysing mellom luftspenn og kabel i grøft. Men det vart langt dyrare enn dei løyvde kronene.
Her, ved Flisabakken, slutar vegljoset i dag. Dei to prøvemastene skal koma ovom dei.
Det heile tok uhorveleg lang tid, og prosjektet og pengane heldt på å glippa. Så dukka framtidsløysinga opp, utvikla av Mesta. Ledljos med straum frå solcellepanel.
Grubla
Torsdag kveld møtte tenesteleiar for teknisk drift i Ullensvang herad – Marit Ystanes – grunneigarane for å presentera det nye alternativet. Med seg hadde ho prosjektingeniør Margit Børve.
Heilt sidan ho byrja i stillinga si, har Marit vore oppteken av at prosjekt vegljos på Sekse må verta realisert. Ho hadde grubla både natt og dag på korleis ein skulle få det til.
– Me må tenkja annleis. Fornybar energi er framtida, sa ho innleiingsvis. – Frittståande stolpar gjer det heile meir fleksibelt. Rett nok treng ein litt fleire stolpar (rundt 100) enn elles. Men ein kan til dels bruka stolpar som alt eksisterer.
Innsparing
Denne løysinga vil medføra ei innsparing på 25 000 kroner årleg på drift. Dei nye ljosa vert tente ved skumring, med 10 prosent styrke. Ved rørsle aukar ljoset til 60 prosent. Etter 6 timar, sloknar dei. Men det kjem på att med ti prosent styrke om morgonen, og 60 når noko rører seg. To timar direkte solljos gjev nok straum for tre dagars forbruk.
ENGASJERT. Marit Ystanes måtte engajsera seg for å overtyda alle om at led og solcelle var framtida.
No var utfordringa å overtyda grunneigarane. Det var ikkje berre rett-fram. Fleire peika på at heradet burde ha sputta i med dei midlane som mangla for å få ei kombiløysing.
Burde ansvarsgjerast
– Etter alle millionane ein har brukt på Lofthus sentrum, så ville det ikkje vera for mykje forlangt. – Heradet burde ansvarsgjerast, vart det sagt.
Mange frykta derimot at det ville ta lang tid – og det var usikkert om det i det heile ville føra fram. Til slutt var det difor full semja om å gå for det nye, framtidsretta, grøne alternativet. Men dei to frå heradet lova å stå på for eventuelt å få til ei opprydding i stolpeskogen som ein i dag finn fleire stader langs Seksevegen.
Kommunal propp
Dermed losna det, som har stått som ein kommunal propp i to år. Ystanes hadde alt ordna med to prøvestolpar, gratis frå Mesta. Jon Arne Sekse har sagt ja til å plassera dei på sin eigedom. Åsmund A. Sekse frå Statens Vegvesen skulle syta for at dei kjem på plass. Noko, som etter alt å døma vil skje ein av dei aller fyrste dagane.
Dermed får ein testa ut korleis dei fungerer, før ein går vidare.
FRAMTIDSRETTA. Plansjen fortel kort koreis det nye systemet fungerer. Grunneigar, politikar og breibandmann, Petter Sekse Ulriksen, og ein del andre ynskte seg ei kombiløysing, men sidan ein frykta for at heile prosjektet kunne havarera, samla grunneigarane seg om det tråådlause alternativet.
I neste omgang vil ein då ta ein ny runde for å vurdera plassering, i samarbeid med grunneigarane. Ein kan også bruka ein del av dei eksisterande stolpane. Husvegger som står nær nok, kan og vurderast.
Leiar i Indre Austsio Grannalag, Karl Arvid Andersen, Marit Ystanes og Åsmund A. Sekse fekk velfortent applaus for å ha ført prosessen vidare, slik at ein no får ei endeleg løysing.
