Grannabryggjo

Grannabryggjo , dronebilde av Espen Bukve

Sommaren er no over og me har lyst å starta opp att dugnadsarbeidet med  bryggjo vår. Jon Arne Sekse og Erling Børve har skrudd saman stokkane. Me har no litt meir skruarbeid før me startar med meir avstiving av kaien. Til slutt skal me leggja golvbjelkar og tredekke av impregnert plank på heile bryggja. Det skal verta ein flott samlingsplass for både unge og gamle.

Dronebilde av Espen Bukve

Bryggja vert på ca 100 m2. Det hadde vore flott visst ein eller to snikkararar kunne ha ført vidare arbeidet med hjelp av oss » vanlige » folk. Håpet vårt er å få ferdig dette arbeidet før vinteren. Ta kontakt med Øyvind Andersen eller Bjørn Terje Svoldal når det gjeld dugnad.

Om  2 til 3 veker vonar me og å sjå det fyrste slepet av bølgebrytarar som kjem sjøvegen frå Tysnes. Det vert krona på verket av det som skal verta den flotte båthavna vår. Bølgebrytarane vert ferdig montert av leverandør. Men sjølve utliggjarane skal setjast saman og monterast til bølgebrytarane på dugnad.

Me har no selt 34 plassar og har endå plass til 6 båtar. Fyrste utbyggingstrinn er planlagt til å kunna ta 40 plassar. Totalt har me løyve til inntil 50 plassar, og me kan utvida til det visst interessa er stor nok.

Gateljos på Seksevegen

Gateljos og fiber ?

Nye gateljos frå Flisabakken til Hovland

Ullensvang Herad har sendt ut informasjon om gateljos langs Seksevegen til berørte grunneigarar. Det skulle bestå av tremaster og luftspenn. Dette med luftspenn er ein nedtur midt oppi gleda over at skulevegen og turvegen vår etter lang tids kamp skulle få ljos. Mesta Elektro er entreprenøren som skal stå for arbeidet. Dette er ein gammal veg og ikkje så enkel når det gjeld oppføring av ljosmaster. Fylkesvegen eig alt frå ca 2 m og ned til 0,5 meter utanfor vegbanen.

Fredag 24. August var det synfaring angåande gateljos langs Seksevegen. Blant dei som deltok var;  Mesta, Statens Vegvesen,Hardanger Energi,Ullensvang Herad og Kinsarvik Breidband.

Ein vurderer no innspel frå grunneigarane og eit modifisert utspel er no på banen. Ein del av strekningen vert no vurdert lagt i grøft. Kinsarvik Breidband og Hardanger Energi kan vera villig til å bidra med det i tillegg til dei 2 millionane som er gitt av Hordaland Fylke.

At det no og kan verta lagt fiber i same traseen er veldig positivt for innbyggjarane langs Seksevegen !

Mesta skal i løpet av komande veke gje inn ny pris for å få ned prisen i forhold til deira opprinnenlege tilbod.

Ullensvang Herad bør og  bidra med det som eventuelt manglar av midlar for å få til ei betre løysing.

 

Leiar IAG

 

 

Medlem i IAG ?

Me vonar flest mogeleg i krinsen vår, og utenbygds med tilknyting til Indre Austsio, har lyst å støtta arbeidet vårt.

Vår nye samlingsplass ved sjøen

Det som no skjer i vår nye båthamn/bygdepark  i Grannabryggjo er eit resultat av det IAG har fått i stand ved ein stor dugnadsinnsats, medlemspengar, grasrotmidlar etc. Reguleringsplanen for båthavna er i sin heilheit utført og betalt av IAG. Det har me all grunn til å vera stolte av. Ein reguleringsplan av dette format, utført med eksterne krefter, ville hatt ei kostnadsramme på mellom  400 000 og  500 000 kroner.

Nettsida vår, som er vorte ein felles kanal for fleire lag og organisasjonar, er og betalt, utvikla og drifta av IAG.

Den nye samlingsplassen som no er under bygging, er eit samarbeidsprosjekt mellom vårt lokale idrettslag Føyk og IAG.  Kvar av desse laga har gitt kr 70 000 for å få prosjektet i gang.  No sit me att med ein heller slunken kasse og me treng meir pengar for å få dette ambisiøse prosjektet i havn. Men det viktigaste av alt er den dugnadsånda som er vist av folk i bygdene våre. Dette viser sterkt samhold og vilje til å utvikla vår eige framtid.  Og dette har me klart uten kommunale midlar !!  Ikkje alle som får det til Face-wink.svg

Visst du vil støtta oss er medlemsprisen i IAG  kr 100 pr. familie.  All støtte er kjærkome og  kan betalast inn på konto nr. 3530.27.67864. Eller vipps til IAG sekse.# 519186. Pengane går i sin heilheit til bygdeutvikling. IAG er og godkjent Grasrotmottakar i Norsk Tipping. Så visst du ikkje har knytt tippekortet ditt til eit anna lag så er me glade for alle bidrag. 5 % av tippeinnsatsen din går til IAG.

På førehand takk

Helsing IAG

Grannabryggjo

Gladmelding til alle i Indre Austsio. No kan dei som har kjøpt båtplass i Grannabryggjo starta båtpussen eller gå til innkjøp av båt ! Og dei som ikkje har kjøpt plass kan ringja Terje Mala (sjå bilete) for meir info. Det er fortsatt ledige plassar.

Bølgebrytar med utliggarar

Komplett brygge er no bestilt frå Marinegruppen på Tysnes. Det er ei beregna leveringstid på 2-3 månader. Det vert nok juli/august før alt er klart.Sjølve bølgebrytaren kjem sjøvegen frå Tysnes. Seljaren vil stå for montering og forankring . Bølgebrytaren er støpt i betong 3,30 m brei. Lengden vert 112 m . I tillegg kjem ein arm på 40 m som er vinkla 90 grader mot land. Dette vert eit nytt landemerke. Ei mektig og vindbeskytta havn . Samstundes er det under bygging ein ny bygdepark. Ein må berre beundra alle dei som har funne vegen hit og delteke i ein storstilt dugnad.

Øvingsskyting

   ESPE         SKYTTARLAG

Espe Skyttarlag sin bane

ØVING/OPPSKYTING 2018:

 Onsdag      23. Mai               kl. 1800 – 2000

Onsdag      30. Mai               kl. 1800 – 2000

Fredag        1. juni                kl. 1800 – 2000

Onsdag       13. juni              kl. 1800 – 2000

Onsdag       20. juni              kl. 1800 – 2000

Onsdag        4. Juli                kl. 1800 – 2000

Fredag         6. Juli               kl. 1800 – 2000

Hugs jegeravgiftskort og skjema for øvingsskyting.

Ein kan ikkje pårekna fleire skytingar.

Ps Følg med på aktivitskalender på sida vår !!!

Ammunisjon vert å få kjøpt på banen.

 Kontant betaling!! 

Terje Mala.

link til oppskyting :

Øvings og oppskyting 2018

SISTE DANS…

 

Til skytebanen

Her går vegen til skytebanen. I år kan verta siste gongen me gjeng den vegen  ! Den eine institusjonen etter den andre må gje tapt. Me vert ei fattigare bygd.

Men det er som med nærbutikken. Visst me ikkje brukar han, er livsgrunnlaget borte.

Ifølge styreformann Terje Mala i skyttarlaget har årsmøtet  bestemt at dette vert siste året med oppskyting på banen. I fjor var det berre 30 som skaut opp til prøven. Det er for få til at det er forsvarleg å halda aktiviteten  i gang.

Espe Skyttarlag sin bane

Strandrydding

Ryddeaksjonen Indre Austsio 3. mai

Minner om at torsdag 3. mai, kl 17 samlast me i Grannabryggjo til strandrydding. Der deler me oss i grupper og fordelar det området me rekk over.

IHM har sett på plass kontainer til avfallet. IHM supplerer søppelsekkar som Magne Eivind Moe har henta i heradet.

Me oppfordrar alle til å ha på seg refleksvest og ha med hanskar. Om noken har med ein kaffitår til å avslutta det heile med er det flott. Ta med kopp !!

 

Helsing styret IAG

 

Bygdeparken

Dugnadsarbeidet held fram i Grannabryggjo. Dette er eit eineståande prosjekt som me vonar dei fleste har lyst å ta del i. Mange har sikkert sett denne dugnadsgjengen, som har forskala, og i dag støypt det som skal verta grunnlaget for den nye » Bygdeparken » Dette prosjektet er i regi  av Føyk og Indre Austsio Grannalag som har løyvt pengar i felleskap.

Anve Tveit har kontroll på høgdene
Etne betong med pumpebil

Jon Sekse har vore fagmann og sett i gang forskalingsarbeidet og stilt med aggregat og verktøy  .

Så snart økonomien er der ,  startar snikkararbeidet . I fyrste omgang vert det sjølve fundamentet. Me vil då bitta saman pælane i sjøen med fundamentet i land. Arne Johanson har laga prosjektskisse og arbeidstegningar.

Me treng no meir folk. Gjerne ein eller to snikkarkyndige . Dei som har lyst å delta kan henvenda seg til Øyvind Andersen (Føyk) Tlf 41242518 og Bjørn Terje Svoldal (IAG) Tlf 48271405

Grannabryggjo har og hatt dugnad og støypt rampe til sjøsetting av båtar. Denne rampen kan nyttast gratis av dei som er medlemmer i Grannabryggjo. Det kostar 250 kroner i året å vera medlem og då støttar de og eit flott anlegg som vert til stor verdi for bygdene våre. Påmelding og innbetaling kan de gjera hjå Randi Selvåg Fresvik på tlf . 90163594

Ferdig støypt til utsetting av båtar

HUGS Å STEMME !

Her kan du stemme fram «Noregs verste veg»

RV 13

Gå inn på denne linken !! Nederst på sida (lenken) kan du bruke din stemme:

https://www.nrk.no/sognogfjordane/her-kan-du-stemme-fram-_noregs-verste-veg_-1.14009480

Ti finalistar har blitt presentert gjennom ti dagar. Fram til midnatt søndag kan du vera med på å stemma fram kva veg du meiner bør ta over tittelen som «Noregs verste veg». Vår veg RV 13 er på denne lista. Å toppe denne kåringa gjev oss eit fortrinn når det gjeld å skaffa vegmidlar til vårt distrikt.

DERFOR ER DET VIKTIG AT ALLE STEMME !

Fv. 60 mellom Olden og Innvik i Sogn og Fjordane har hatt den statusen dei siste ti åra, men i mars opna den siste av tre tunnelar på strekninga som gjer at vegen er utbetra.

ER DU MED OSS ?

Torsdag 3. mai  kl 1700 er ny dag for rydding i strandsonen vår !

Indre austsio frå Børve. Foto Karl Arvid Andersen

«Torsdag 3. mai inviterer NRK til stor ryddedugnad hvor alle i hele Norge kan ta del. Alle NRKs distriktskontorer er med, og kommer til å dekke aksjonen på både radio, TV og nett gjennom dagen.«

«Ingen kan ta alt, men alle kan ta litt» er mottoet når NRK går i bresjen for nasjonal ryddedugnad Norge rundt torsdag 3. mai.

Me har lyst å vera ein del av denne aksjonen her i Indre Austsio. Me tek mål av oss til å rydda frå Skjeldås til Djupevik (Deildo) Eller i alle fall så langt me rekk. Me møtest i Grannabryggjo kl 1700 på torsdag den 3. mai. Der deler me oss i grupper og inntek strandsonen, mellom sjø og riksveg. Avfallet samlar me til slutt i Grannabryggjo.

Folk har allerede meldt seg til teneste. Dei som ikkje har helsa til å krabba i fjøresteinane kan bidra på andre måtar. Kanskje kaffi, eit kakestykke, vafler etc.

Kontaktpersonar i ryddekomiteen er :

Namn  :                                       Tlf :

  • Kirsti Solheim                    90981388
  • Helga Sandven                   99555140
  • Jonny Kibsgård                  97146543
  • Grete L Børve                      48151135
  • Bjørn Terje Svoldal           48271405
  • Hildegunn Espe                  97568650
  • Karl Arvid Andersen         95250107
ALLE ER VELKOMNE TIL Å DELTA !