50.000 på marknaden

Nesten 50.000 kroner kom det inn på marknaden i Grannatun sundag den 14. januar.

Leif Harald Ystanes måtte sjå høgt etter eine gevinsten sin.
Leif Harald Ystanes måtte sjå høgt etter eine gevinsten sin.

Det er Jorunn Børve som opplyser dette.

Etter at alt var talt opp – alt som var vippsa eller betalt direkte under loddsal og på bok og i form av gevinstar var overskotet på 49.096 kroner.

Kjempekjekt var det og god stemning med mykje folk.

Me legg ved ein del glimt til.

God stmening og mykje folk.
God stemning og mykje folk.
Jorunn Børve inn ut kven som har vunne på bok. Jan Sandven står klar med gevinsten.
Jorunn Børve inn ut kven som har vunne på bok. Jan Sandven står klar med gevinsten.
Kunstne til Kaari Vivelid prydar salen i Grannatun. Ei fantastisk fin ramme same kva arrangement som er her.
Kunstne til Kari Vivelid prydar salen i Grannatun. Ei fantastisk fin råme same kva arrangement som er her.

Marknadskomitéen takkar alle som bidrog.

 

Gevinstinnsamling til marknaden

 

Grannatun skal ha sin årlege marknad sundag 14. januar frå klokka 15.00.

På marknaden skal vi ha åresal og loddsal. Dette er ein lang tradisjon og ei av dei viktigaste samkomene i bygda. Det er og viktig for å ha nok inntekter til drift og vedlikehald av det dugnadsbaserte grendahuset vårt.

Men me er då avhengig av å få inn gevinstar og gåver til åresal/loddsal frå krinsen, og håpar du vil vere med å støtte oss med ein gevinst, gåvekort eller eventuelt pengegåve?

Grannatun 2

Me vil kome rundt og ha gevinstinnsamling:

PÅ ETTERMIDDAGEN TYSDAG 9.JANUAR 2018

Om du ikkje veit kva du vil gje som gevinst kan pengegåve vere ein god ide. Då kan du til dømes gje 100 kr, så kan komiteen samle inn og kjøpe ein større gevinst.

Dykk kan til dømes overføre dette til Grannatun sin Vipps.  Vipps-nummeret er: 139467 og hugs å markere med «Til gevinst til marknaden».

Alle bidrag er av interesse!

På førehand hjarteleg takk,

beste helsing marknadskomiteen

Bilde1

Grannaveitla 2018

 

       Velkomen til GRANNAVEITLA i Grannatun på Sekse

     Laurdag 10.februar 2018bilde 1

            Dørene opnar 19:30

Underhaldning med brødrane Onarheim

Tradisjonell meny med røykjekjøt og ertesup

Kjetil Vestli spelar opp til dans

Høve til å kjøpe øl og vin m/meir

Pris kr. 400

Finn fram finstasen og treff gode grannar!

Grannaveitla i år som tidlegare vert med mat og drikke, me må av den grunn ha påmelding innan 1.februar til:

Arne Sandstå mob: 91766503 (SMS eller ring)

Tale Hauso, mob: 97041016 (facebook eller SMS)

 Påmelding er bindande!

TA TUREN TIL GRANNATUN DENNE LAURDAGEN – VEL MØTT!

Helsing frå oss i Komiteen 🙂

Selde hytta – gav pengane til «Grannatun»  

 

«Ynskjet mitt er at pengane skal brukast til kjøkenet og taket på ungdomshuset», seier Odd Sveingjerd i dette intervjuet.

I fjor gav han over 600.000 kroner til «Grannatun». Han ynskjer ikkje nokon stor blest om det, men går likevel med på ein prat.

Odd Sveinsgjerd har alltid hatt eit nært fohold til "Grannatun" - i dobbel forstand- Foto.: Tale HausoOdd Sveinsgjerd har alltid hatt eit nært fohold til «Grannatun» – i dobbel forstand. Han har alltid hatt omsut for det, og så har han budd nærmast vegg-i-vegg med det, det aller meste av livet sitt.
Foto.: Tale Hauso

 Tekst: Johannes H. Sekse

 Odd Sveinsgjerd bur eit steinkast frå ungdomshuset «Grannatun». Her har han budd det meste av livet. Men det er fleire grunnar til at Odd alltid har vore knytt til ungdomshuset.

Hald fram med å lese «Selde hytta – gav pengane til «Grannatun»  »

Ny jolequiz er i emning

Det er snart jol, og med det inviterer «Grannatun» til jolequiz og alt det som følgjer med.

Ein av dei siste tilskipingane var Jolaquiz og pub. Brutto innkome var 24 000 som gav 9- 10 000 til huset Her er vinnarlaget. Frå venstre: Anna Gjerde Tysseboten, Kristin Meland, Åsne Kvalnes, Brita Gjerde, Bjørg Børve Dvergsdal og Egil Dvergsdal.
Jolalaquiz og pub i desember i fjor,  gav brutto innkome på 24 000 som gav nesten 10 000 til huset Her er vinnarlaget. Frå venstre: Anna Gjerde Tysseboten, Kristin Meland, Åsne Kvalnes, Brita Gjerde, Bjørg Børve Dvergsdal og Egil Dvergsdal.

Tredje joledag, eller 27. desember, inviterer styret i «Grannatun» til det som no har vorte ei årleg hending – nemleg  jolequiz.

Og på nytt vonar ein på like god oppslutnad som dei to føregåande åra. Dørane opnar klokka 20.00. Då har publikum ein time på seg til å koma i rett stemning, skipa lag og la praten gå.

Det vert sal av ymse snacks som kan sveljast ned med alt frå sider, øl, vin,  brus eller vatn. Det siste er gratis. Det andre ordnar du antan med kontantar – eller  Vipps – nr. 139467.

Aldersgrensa er 18 år. Føremålet, i tillegg til det sosiale, er å støtta huset økonomisk.

Marknad til inntekt for Grannatun

Grannatun skal ha sin årlege marknad like over nyttår for å få inntekter til det dugnadsbaserte grendahuset vårt.

På marknaden skal vi ha åresal og loddsal. Dette er ein lang tradisjon og ei av dei viktigaste samkomene i bygda. Dette er viktig for å ha nok inntekter til drift og vedlikehald av grendahuset og uteområdet.

Vi i marknadskomiteen 2018 har planlagt marknad sundag 14. januar 2018, men er då avhengig av å få inn gevinstar og gåver til åresal/loddsal frå krinsen.

Me håpar du vil vere med å støtte oss med gevinst, gåvekort eller eventuelt pengegåve? 

Om du ikkje veit kva du vil gje som gevinst, kan pengegåve vere ein god ide. Då kan du til dømes gje 100 kr, så kan komiteen samle inn og kjøpe ein større gevinst. Til dømes kan det bli nytta til å kjøpe eit gåvekort eller liknande.

Dykk kan til dømes overføre dette til Grannatun sin Vipps.  Vipps-nummeret er: 139467  og hugs å markere med «Til gevinst til marknaden».

Me vil kome rundt og ha gevinstinnsamling: tysdag 9.januar 2018

Alle bidrag er av interesse! 🙂

På førehand hjarteleg takk,

beste helsing marknadskomiteen
grannatun

Kransalaging i Grannatun

Onsdag 29.november klokka 18.00 samlast me i Grannatun og lagar oss fine dekorasjonar til advent.

Om du har noko fint vintergrønt i hagen, er det kjekt om du tar det med. Til dømes brakje, sypress, tuja, sibirkornell, mispel og eføy er supert å bruka.

Lurt å ta med: Greinsaks og hanskar! 

Fin adventskrans som snart skal lysa opp i ventetida.
Fin adventskrans frå tidlegare kransalaging.

Bjørg B. Dvergsdal tek med seg mykje fint frå butikken som, som me kan supplera med.  Håpe mange vil koma og vera med oss.

Me kosar oss med jolebakst og gløgg/kaffi/te.

PS: Kvar enkelt betalar Bjørg for dei tinga dei brukar til sin dekorasjon. 

Arr: Børve og Sekse Bygdekvinnelag

Bjørg Børve Dvergsdal inspirerte og motiverte. Alle foto: Edel Karin E. Alpen
Bjørg Børve Dvergsdal inspirere og motivere. Alle foto: Edel Karin E. Alpen