No kjem vegljosa over Sekse

Ei heilt ny løysing, dukka opp på eit møte mellom Ullensvang herad og grunneigarane på Sekse torsdag kveld. Gløym luftspenn, kabel og grøft. No er det solcelle og led som tel. Dei to fyrste teststolpane kjem opp om få dagar.

Johannes H. Sekse

I 2017 løyvde Hordaland fylkeskommune 2 millionar kroner til vegljos langs Fylkesveg 101, Seksevegen. Ullensvang herad fekk oppdraget med å gjennomføra prosjektet.

Ein valde trestolpar og luftspenn og «Mesta» fekk tilbodet i konkurranse med tre andre. Kostnaden deira var under halvparten av den nærmaste.

Motstand

 Men det vart motstand mot luftspenn. Så vart det halde synfaring saman med Mesta, Statens Vegvesen, Kinsarvik breiband og Hardanger Energi for å vurdera ei kombinasjonsløysing mellom luftspenn og kabel i grøft. Men det vart langt dyrare enn dei løyvde kronene.

Her, ved Flisabakken, slutar vegljoset i dag. Dei to prøvemastene skal koma ovom dei.

Det heile tok uhorveleg lang tid, og prosjektet og pengane heldt på å glippa. Så dukka framtidsløysinga opp, utvikla av Mesta. Ledljos med straum frå solcellepanel.

Grubla

 Torsdag kveld møtte tenesteleiar for teknisk drift i Ullensvang herad – Marit Ystanes – grunneigarane for å presentera det nye alternativet. Med seg hadde ho prosjektingeniør Margit Børve.

Heilt sidan ho byrja i stillinga si, har Marit vore oppteken av at prosjekt vegljos på Sekse må verta realisert. Ho hadde grubla både natt og dag på korleis ein skulle få det til.

–  Me må tenkja annleis. Fornybar energi er framtida, sa ho innleiingsvis.    –  Frittståande stolpar gjer det heile meir fleksibelt. Rett nok treng ein litt fleire stolpar (rundt 100) enn elles. Men ein kan til dels bruka stolpar som alt eksisterer.

Innsparing

 Denne løysinga vil medføra ei innsparing på 25 000 kroner årleg på drift. Dei nye ljosa vert tente ved skumring, med 10 prosent styrke. Ved rørsle aukar ljoset til 60 prosent.  Etter 6 timar, sloknar dei. Men det kjem på att med ti prosent styrke om morgonen, og 60 når noko rører seg. To timar direkte solljos gjev nok straum for tre dagars forbruk.

ENGASJERT. Marit Ystanes måtte engajsera seg for å overtyda alle om at led og solcelle var framtida.

No var utfordringa å overtyda grunneigarane. Det var ikkje berre rett-fram. Fleire peika på at heradet burde ha sputta i med dei midlane som mangla for å få ei kombiløysing.

Burde ansvarsgjerast

–  Etter alle millionane ein har brukt på Lofthus sentrum, så ville det ikkje vera for mykje forlangt. –  Heradet burde ansvarsgjerast, vart det sagt.

Mange frykta derimot at det ville ta lang tid – og det var usikkert om det i det heile ville føra fram. Til slutt var det difor full semja om å gå for det nye, framtidsretta, grøne alternativet. Men dei to frå heradet lova å stå på for eventuelt å få til ei opprydding i stolpeskogen som ein i dag finn fleire stader langs Seksevegen.

Kommunal propp

 Dermed losna det, som har stått som ein kommunal propp i to år. Ystanes hadde alt ordna med to prøvestolpar, gratis frå Mesta. Jon Arne Sekse har sagt ja til å plassera dei på sin eigedom.  Åsmund A. Sekse frå Statens Vegvesen skulle syta for at dei kjem på plass. Noko, som etter alt å døma vil skje ein av dei aller fyrste dagane.

Dermed får ein testa ut korleis dei fungerer, før ein går vidare.

FRAMTIDSRETTA. Plansjen fortel kort koreis det nye systemet fungerer. Grunneigar, politikar og breibandmann, Petter Sekse Ulriksen, og ein del andre ynskte seg ei kombiløysing, men sidan ein frykta for at heile prosjektet kunne havarera, samla grunneigarane seg om det tråådlause alternativet.

I neste omgang vil ein då ta ein ny runde for å vurdera plassering, i samarbeid med grunneigarane. Ein kan også bruka ein del av dei eksisterande stolpane. Husvegger som står nær nok, kan og vurderast.

Leiar i Indre Austsio Grannalag, Karl Arvid Andersen, Marit Ystanes og Åsmund A. Sekse fekk velfortent applaus for å ha ført prosessen vidare, slik at ein no får ei endeleg løysing.

 

 

 

 

Grannabryggjo

Grannabryggjo , dronebilde av Espen Bukve

Sommaren er no over og me har lyst å starta opp att dugnadsarbeidet med  bryggjo vår. Jon Arne Sekse og Erling Børve har skrudd saman stokkane. Me har no litt meir skruarbeid før me startar med meir avstiving av kaien. Til slutt skal me leggja golvbjelkar og tredekke av impregnert plank på heile bryggja. Det skal verta ein flott samlingsplass for både unge og gamle.

Dronebilde av Espen Bukve

Bryggja vert på ca 100 m2. Det hadde vore flott visst ein eller to snikkararar kunne ha ført vidare arbeidet med hjelp av oss » vanlige » folk. Håpet vårt er å få ferdig dette arbeidet før vinteren. Ta kontakt med Øyvind Andersen eller Bjørn Terje Svoldal når det gjeld dugnad.

Om  2 til 3 veker vonar me og å sjå det fyrste slepet av bølgebrytarar som kjem sjøvegen frå Tysnes. Det vert krona på verket av det som skal verta den flotte båthavna vår. Bølgebrytarane vert ferdig montert av leverandør. Men sjølve utliggjarane skal setjast saman og monterast til bølgebrytarane på dugnad.

Me har no selt 34 plassar og har endå plass til 6 båtar. Fyrste utbyggingstrinn er planlagt til å kunna ta 40 plassar. Totalt har me løyve til inntil 50 plassar, og me kan utvida til det visst interessa er stor nok.

Gateljos på Seksevegen

Gateljos og fiber ?

Nye gateljos frå Flisabakken til Hovland

Ullensvang Herad har sendt ut informasjon om gateljos langs Seksevegen til berørte grunneigarar. Det skulle bestå av tremaster og luftspenn. Dette med luftspenn er ein nedtur midt oppi gleda over at skulevegen og turvegen vår etter lang tids kamp skulle få ljos. Mesta Elektro er entreprenøren som skal stå for arbeidet. Dette er ein gammal veg og ikkje så enkel når det gjeld oppføring av ljosmaster. Fylkesvegen eig alt frå ca 2 m og ned til 0,5 meter utanfor vegbanen.

Fredag 24. August var det synfaring angåande gateljos langs Seksevegen. Blant dei som deltok var;  Mesta, Statens Vegvesen,Hardanger Energi,Ullensvang Herad og Kinsarvik Breidband.

Ein vurderer no innspel frå grunneigarane og eit modifisert utspel er no på banen. Ein del av strekningen vert no vurdert lagt i grøft. Kinsarvik Breidband og Hardanger Energi kan vera villig til å bidra med det i tillegg til dei 2 millionane som er gitt av Hordaland Fylke.

At det no og kan verta lagt fiber i same traseen er veldig positivt for innbyggjarane langs Seksevegen !

Mesta skal i løpet av komande veke gje inn ny pris for å få ned prisen i forhold til deira opprinnenlege tilbod.

Ullensvang Herad bør og  bidra med det som eventuelt manglar av midlar for å få til ei betre løysing.

 

Leiar IAG

 

 

Ta idrettsmerket – bli med :)

Bli med og ta idrettsmerket måndag 11. juni klokka 20.00.

  • Møtestad: Ved ungdomshuset på Sekse, Grannatun.
  • Klokka: 20.00

For alle som er over 16 år.

Nokre har allereie klart kravet på både hopp og kast. No står 60 meter og 3000 meter for tur. Det er mogleg å sykle eller gå som alternativ.

Dei som ikkje har tatt krava på hopp og kast kan få ta dette samtidig.

Bli med!  🙂

Spørsmål? Kontakt Oda Gjerde Tyssebotn, 468 89 713

Medlem i IAG ?

Me vonar flest mogeleg i krinsen vår, og utenbygds med tilknyting til Indre Austsio, har lyst å støtta arbeidet vårt.

Vår nye samlingsplass ved sjøen

Det som no skjer i vår nye båthamn/bygdepark  i Grannabryggjo er eit resultat av det IAG har fått i stand ved ein stor dugnadsinnsats, medlemspengar, grasrotmidlar etc. Reguleringsplanen for båthavna er i sin heilheit utført og betalt av IAG. Det har me all grunn til å vera stolte av. Ein reguleringsplan av dette format, utført med eksterne krefter, ville hatt ei kostnadsramme på mellom  400 000 og  500 000 kroner.

Nettsida vår, som er vorte ein felles kanal for fleire lag og organisasjonar, er og betalt, utvikla og drifta av IAG.

Den nye samlingsplassen som no er under bygging, er eit samarbeidsprosjekt mellom vårt lokale idrettslag Føyk og IAG.  Kvar av desse laga har gitt kr 70 000 for å få prosjektet i gang.  No sit me att med ein heller slunken kasse og me treng meir pengar for å få dette ambisiøse prosjektet i havn. Men det viktigaste av alt er den dugnadsånda som er vist av folk i bygdene våre. Dette viser sterkt samhold og vilje til å utvikla vår eige framtid.  Og dette har me klart uten kommunale midlar !!  Ikkje alle som får det til Face-wink.svg

Visst du vil støtta oss er medlemsprisen i IAG  kr 100 pr. familie.  All støtte er kjærkome og  kan betalast inn på konto nr. 3530.27.67864. Eller vipps til IAG sekse.# 519186. Pengane går i sin heilheit til bygdeutvikling. IAG er og godkjent Grasrotmottakar i Norsk Tipping. Så visst du ikkje har knytt tippekortet ditt til eit anna lag så er me glade for alle bidrag. 5 % av tippeinnsatsen din går til IAG.

På førehand takk

Helsing IAG

Grannabryggjo

Gladmelding til alle i Indre Austsio. No kan dei som har kjøpt båtplass i Grannabryggjo starta båtpussen eller gå til innkjøp av båt ! Og dei som ikkje har kjøpt plass kan ringja Terje Mala (sjå bilete) for meir info. Det er fortsatt ledige plassar.

Bølgebrytar med utliggarar

Komplett brygge er no bestilt frå Marinegruppen på Tysnes. Det er ei beregna leveringstid på 2-3 månader. Det vert nok juli/august før alt er klart.Sjølve bølgebrytaren kjem sjøvegen frå Tysnes. Seljaren vil stå for montering og forankring . Bølgebrytaren er støpt i betong 3,30 m brei. Lengden vert 112 m . I tillegg kjem ein arm på 40 m som er vinkla 90 grader mot land. Dette vert eit nytt landemerke. Ei mektig og vindbeskytta havn . Samstundes er det under bygging ein ny bygdepark. Ein må berre beundra alle dei som har funne vegen hit og delteke i ein storstilt dugnad.

Øvingsskyting

   ESPE         SKYTTARLAG

Espe Skyttarlag sin bane

ØVING/OPPSKYTING 2018:

 Onsdag      23. Mai               kl. 1800 – 2000

Onsdag      30. Mai               kl. 1800 – 2000

Fredag        1. juni                kl. 1800 – 2000

Onsdag       13. juni              kl. 1800 – 2000

Onsdag       20. juni              kl. 1800 – 2000

Onsdag        4. Juli                kl. 1800 – 2000

Fredag         6. Juli               kl. 1800 – 2000

Hugs jegeravgiftskort og skjema for øvingsskyting.

Ein kan ikkje pårekna fleire skytingar.

Ps Følg med på aktivitskalender på sida vår !!!

Ammunisjon vert å få kjøpt på banen.

 Kontant betaling!! 

Terje Mala.

link til oppskyting :

Øvings og oppskyting 2018

Vellukka bos-aksjon

Torsdag ettermiddag samlast bortimot førti personar seg til dyst for å gjera fjøro rein for plast. Men dei fann mykje meir enn berreplast, og tok det med i same slengen.

 Av Johannes H. Sekse

Det var IAG som tok initiativet til denne aksjonen. Dei kontakta Indre Hordaland Miljøverk (IHM), som registrert IAG på det elektroniske skjemaet for plastinnsamling.

Biletet av ryddedamene Ingunn Meland og Grethe L Børve er teke på Einarhaug. (Foto: Karl Arvid Andersen).

Dei sytte for rikeleg med «Hold Norge rent»- sekkar og hadde fått på plass kontainer.

I løpet av nokre ettermiddagstimar, vart fjøro – og deromking – frå Deildo til Skjeldås – finkjemma for bos. Det vil seia at det også vart fjerna uhumske frå mellom anna veggrøfta.

SFO hadde baka masse bollar og Ingrid Svoldal kom med kake. Alt i alt vart dette ein stor suksess. Ikkje minst når ein i tillegg tek med det sosiale aspektet.

IAG-leiar Karl Arvid Andersen er ikkje i tvil om at dette må verta ein årleg tradisjon. Han takkar alle som stilte opp.

SFO hadde baka fantastisk gode bollar, og lagt ved eit eige helsingskort. Ryddegeneralen er full av lovord.

Klar til dyst. Her vert ossamlarane fordelte på grupper. Foto: Karl Arvid Andersen.

Terje Mala var ein av dei mange som gav sitt for ei rein fjøre.

Det sosiale, godpraten og kaffiiskvetten etterpå, var og viktig. Innsamlingsbasen var ved Grannabryggjo, som utan tvil vil vert ein kjær og populær møtestad for folk i krinsen i framtida. 

Kontaineren vart sikra med nett. Men det var slett ikkje plass til alt.

 

SISTE DANS…

 

Til skytebanen

Her går vegen til skytebanen. I år kan verta siste gongen me gjeng den vegen  ! Den eine institusjonen etter den andre må gje tapt. Me vert ei fattigare bygd.

Men det er som med nærbutikken. Visst me ikkje brukar han, er livsgrunnlaget borte.

Ifølge styreformann Terje Mala i skyttarlaget har årsmøtet  bestemt at dette vert siste året med oppskyting på banen. I fjor var det berre 30 som skaut opp til prøven. Det er for få til at det er forsvarleg å halda aktiviteten  i gang.

Espe Skyttarlag sin bane