Bryggjo vår

Plattingen er nesten klar

Alle dugnadsprosjekt har vorte sett på vent grunna Corona.

Føyk og IAG sitt byggverk var planlagt med ny dugnadsinnsats no i mars, men me har valt å sjå det litt an før me startar opp att.

Me har også valt ein komite med 2 frå kvart lag som var i gang med å planleggja åpningsfest for unge og gamle. Me skulle starta med grilling på bryggja og avslutta med fest i Grannatun. Musikk var bestilt, men……

Me håpar på eit liv etter dette og ser det an framover

Corona

  1. Hjartestartar kurs:
Hjartestartar på Grannatun

Ole Johnny Bukve har tilbode seg å halda kurs i bruk av hjartestartar og litt rundt dette, men det var før Corona utbrotet. No må me utsetja dette til tidene vert normalisert.

Inntil den tid må me gjera det beste ut av det. Visst noko skulle skje og det er trong for bruk av den, er det berre å setja i gang etter beste evne.

Hjartestartar

Ny hjartestartar er montert på austveggen av Grannatun, ved sceneinngangen.

Hjartestartar montert

Ved bruk løysnar ein sikringspinnen i botnen og tek den ut. Dekselet på utsida kan me fjerna ved å ta tak i dekselet og skru i den retning pile visar.

Skru i pile si retning for å demontera

Når dekselet heng ned kan hjartestartar takast ut og er klar for bruk. Hjartestartaren er sjølvforklarande og ein får beskjed rekkefølgen når det gjeld bruk.

Demontering deksel for bruk

Hjartestartaren er ei gåve frå Sparebanken vest. Deksel og montering er betalt av IAG

Me vil prøva å få i gang eit kurs i bruk. Blant andre har bygdekvinnelaget kontakta oss om dette. IAG sin nye leiar vil ta tak i dette i samarbeid med andre lag.

Inntil kurs kjem i gang anbefalar eg dei som vil å gå ned og ta ein nærmare kikk på installasjonen. Ved akutt trong for bruk må den sjølvsagt takast i bruk. Den kan redda liv.

Galden i dag

Galden er ikkje attkjennande. 2 spreke naboar har teke motorsage fatt og starta rydding.

Ivar dreg pas

Utsikten er no fantastisk. Dette er den mest besøkte staden i Liatravaren. Trur ikkje besøket minkar etter dette.

Kanskje er her også rom for ein gapahuk og ein grill ? Me treng møteplassar for store og små. Flott at nokon brukar fritida si på dette. Me som brukar liane bør betala litt tilbake ved å bidra til å halda farbare stiar og eit åpent landskap.

Hundeselskap
Hundane trivs ilag

Ekstraordinært årsmøte

«Espe skyttarlag hadde ekstraordinært årsmøte onsdag 11.desember 2019.
Kun fire medlemer møtte. Dette syner kva interesse det er for
skyttarlaget i Krinsen.

Espe skyttarlag vert lagt ned frå 1. mars. Laget har gjeve kr. 15000,-
til Espe Grannalag, og kr. 15000,- til Grannatun på Sekse.

Fram til 1. februar sel laget ut ammunisjon til medlemer for
innkjøpspris. Det som er att då, vert overført til Ullensvang skyttarlag.»

Helsing

Styret