Status Markastå

Før sommaren hadde me møte med Ullensvang kommune om Markastå og kva dei kan bidra med for å få realisert bustadfelt i Markastå. 

Inntrykket etter møtet med kommunen er positivt. Dei ynskjer å bidra til at me får dette til og det fins midlar i budsjettet til dette formålet. Men hovedkonturane er at det ikkje vert noko utbygging i kommunal regi, det må private på banen for å utvikla Markastå. 

Me har vore i kontakt med ein privat utbyggar som er interessert i å bygga ut i Markastå. Dei held i skrivande stund på med å rekna på kostnadar med utbygging av bustadar og infrastruktur som skal til i eit byggefelt. 

Det er fleire ting som må avklarast som eigarforhold og kostnadar. Men me er positive! For bustad mangel er det i krinsen. Det er det ingen tvil om!   

Nye møter med kommunen er planlagt på seinsommaren.

Indre Austsio Grannalag – Bustadgruppa

Føremiddagskaffi i Gapahuken

IAG har invitert godt vaksne mannfolk til vekentleg tysdagsamling på Grannbryggjo.

Fyrste treff er unnagjort. Vonar fleire har lyst å treffa bygdafolk og ta ein drøs i kvardagen.

I fyrste omgang kan me ta med litt kaffi på ein termos. ( kanskje kan da dukka opp noko å bita i og ei gong i blant)

Velkomne til nytt treff tysdag kl 1100 og kvar Tysdag framover

Gapahuken er ferdig!

Gapahuken er ferdig og klar for bruk til sommarsesongen. Takk til alle som har deltatt på dugnad!

Jan, Johan, Magne og Åsmund i fullt driv.

Gapahuken tar form.

Kirsten og Valborg vart opp med vafler og kaffi til dugnadsfolket.

Program for bygdafesten

Program for bygdafesten:

19:00 – Dørene opnar! 

20:00 – Standup med Roar Brekke. Skal du ha med deg standup showet må du møta seinast klokka 20:00, då vert dørene til salen lukka fram til showet er ferdig! 

21:00 – Matsalet opnar, Espe Grannalag står for maten. Dei sel hamburgerar utover kvelden og nattetimane. 

22:00 – E-76 spelar 

Spre informasjonen vidare!

Vel møtt!  

ÅRSMØTE IAG

Det vert med dette kalla inn til årsmøte, Sundag 27. Mars 2022, KL.19.00 I ESPE GRENDAHUS.

Sakliste:  1. Val av ordstyrar, referent og underskrivarar.

                   2. Godkjenning av innkalling og sakliste

                   3. Årsmelding

                   4. Rekneskap

                   5. Val

                   6. Kontingent 2022

                   7. Innkomne framlegg

Framlegg til årsmøtet må vera styret i hende 2 veker før årsmøtet

Det vert enkel servering.

Velkomen!