Skøyteis på Sekse

Sola skin over isen på idrettsplassen på Sekse.

Dette er eit flott tiltak for alle aldersklassar. Mange godt voksne krabbar opp på loftet og dreg fram skøytene.

Det varmar å sjå slik gleda og entusiasme hjå dei minste som tek sine fyrste skøytetak… Litt knall og fall løyser seg med litt trøyst og ein kopp varm sjokolade. Kjekt å ha ein samlingsplass. Ein stor takk til eldsjelene som trør til og sprøyter. No har me hatt isen ei veke, men meldingane er ikkje så oppløftande for komande veka. Men me satsar på at det ikkje slår til.

Det lyser i stille grender

To ljosmaster med solcelleteknologi har vorte testa ut i vinter. Dei lyser eit begrensa antal timar og aukar ljosstyrken i same periode ved rørsle. Me har meldt tilbake til Marit Ystanes i Heradet. Ho har i samarbeid med Mesta elektro fått justert ljos på bakgrunn av våre tilbakemeldingar.

Gateljos på seksevegen

Diverre vart kapasiteten for liten og stod ikkje til våre forventningar. Dei var og mørklagde i ein lenger periode. No har Mesta bytt frå blybatterier til Lithium batterier. Dette vil verta testa ut ein avgrensa periode. Den eine masta skal vera på eit antal timar morgon og kveld og den andre skal tenna på rørsle.

IAG bestemte i Styremøte den 14. januar at me ville gå for ein anna løysing. Me ville gå for grøft og stålmaster med led ljos frå Flisabakken til Gunn Marit Olsen. Deretter   foreslo me master med luftspenn  til Jon Aslak Herstad (ubebudd område). Herifrå til Hovland grøft med stålmaster.

Me har fått 2 millionar til gateljos frå Hordaland Fylke. Den løysinga me skisserar vil anslagsvis kosta det doble. Me må på friarferd til heradet for å få til eit slikt fullfinasiert prosjekt

IAG var kalla inn til møte i heradet  den 15. Januar om  evaluering av prøveperioden med solcellemaster .

På møtet deltok Marit Ystanes, Solfrid Borge, Magnus Steigedal, Petter Ulriksen og Karl Arvid Andersen. Me hadde eit godt og fruktbart møte med mykje fram og tilbake.  Avslutningsvis kom Solfrid Borge med ei gledeleg melding. Ho ville ta dette opp i heradsstyret og innstilla på at heradet yter dei pengane me treng for å få fullfinansiert det prosjektet som me anbefalte.

Underteikna gjekk frå møtet med ei god kjensle. Me har aldri vore så nær. Me har heller ikkje mykje tid på oss. For å få behalda dei 2 millionane frå fylket må me vera i mål innan dette året.

Mvh

Karl Arvid Andersen

Leiar IAG

Endeleg er ho på plass !

Grannabryggjo klar til bruk

Fyrste båten på plass

El lenge varsla brygge er no på plass. Utriggarar til fortøying av  båtane er montert. 35 båtplassar er selde og slik brygga står i dag kan ho romma 41 båtar.

På yttersida vert det pullertar til fortøying av gjestebåtar. Oppå bølgebrytaren som er på tilsaman 154 meter, vert det montert fleire søyler med led ljos på toppen og kvar søyle inneheld 4 straumtilkoblingar med målar. Dette vert til arbeid i båtane/varme ombord etc.

På land har me og lyst på opplyst parkering og uteplass. Me vil og bitta saman uteplass og badestrand.

Det skal og førast vatn ut. Slik at båtane kan vaskast og vanntankar fyllast. Det vert ofte snakka om «3-fot sykja». Båtane vert større og større.

Me har i lengra tid vore i kontakt med , og sendt innspel til  heradet om dei kan hjelpa oss med tilførsel av straum og vatn. Men interessa har vore laber. Me har rett og slett ikkje høyrt noko frå dei.

Men me skal klara oss sjølv og. Me pleier jo det !

Indre austsio har kosta dette flotte anlegget vårt sjølv. Den nye uteplassen vår vert bygd med midlar frå IAG og Føyk. Me har no gått til innkjøp av meir material og håpar på oppstart av meir dugnad og bygging ca Mars. Då kan det verta snorklypping før sommaren. (av ein lokal representant)

Båtbrygge og forsamlingsplass

Gateljos på Sekse

Prøvemastene er sett opp.

Gateljos på seksevegen

Mesta har sett opp 2 prøvemaster nederst på Jon Arne Sekse sin eigedom mot Flisabakken.

Desse skal stå i ein periode slik at folk kan danna seg ein meining om korleis dei fungerer.

Ljoset er drive av sollcellepanel. Det er viktig at folk gir tilbakemelding om funksjon.

Ljoset er programmert til å slå seg på og av og har og rørslesensor. Det me har oppdaga er at ljoset slår seg av ca kl 0630 om morgonen. Me har gitt tilbakemelding om dette. Den viktigaste tida med ljos er jo når ungane går til skulen.

Dette er upløgd mark også for statens vegvesen. Dei har ingen erfaring med denne typen belysning. Derfor er dette ein prøveordning for vegvesenet og. Det er jo dei som skal drifta det og. For dei er det viktig at dei gjev godt nok ljos utan å kreva for mykje vedlikehald.

Gje gjerne ein tilbakemelding til underteikna. IAG vil videreformidla til tenesteleiar i Ullensvang Herad , Marit Ystanes, som er heradet sin kontaktperson. Ho har verkeleg stått på for gje Seksevegen gateljos. Men som alltid er det pengar som begrensar. Fylket har gjeve oss 2 millonar til gateljos.

Det ideelle hadde vore stålmaster med kabel i grøft. Dette er standard i henhold til Statens vegvesenet sine kriteriar for gateljos. Men dette ville hatt ei kostnadsramme på ca 5 millonar, Derfor har heradet no sett på andre og rimelegare løysingar.

Visst ikkje me vert einige og får til ei akseptabel  løysing i løpet av 2019 vil pengane gå tilbake til Fylkeskommunen.

 

Karl Arvid Andersen

IAG

40 er farten no

No har endeleg Seksevegen fått rett fartsskilting. Til no har det vore ulike tolkingar, og til dels feilskilting, noko som vart oppdaga i samband med at det skulle planleggjast vegljos langs vegen.

Nokon meinte til og med at fartsgrensa var 80 km/t når du kom ein veg, og 60 den andre. Dei nye skilta fortel med tydeleg skrift at no er det 40 som gjeld.

To skilt ved starten på 40-sona, og…….

…..eitt påminningsskilt for kvar 500 meter på høgre sida.

Me legg elles til at fundamenta til dei to fyrste led-solcelle-vegljosmastene er støypte. Mastene er såleis snart klare for montering. Dei er plasserte rett sør for Flisabakken, der dei eksisterande ljosmastene stoppar. Så snart ein har funne ut om en nye teknologien fungerer, skal til saman 100 vegljos gjera det trivelegare for alle dei som ferdast langs vegen. Ikkje minst er dette og ein skuleveg for mange.

Den nye båthavne i Markaståvikje

 

Eit nytt landemerke er på veg til Sekse

Bølgebrytere under slep

Sekse vert no ein ny attraksjon rikare. Grannabryggjo skal no endeleg få på plass si lenge etterlengta båthamn. Etter mange utsetjingar vert det no full fart framover. Bølgebrytaren me ser på biletet er 112 m lang og skal gå ifrå piren og nordover. Etter kvart kjem den siste på 40 m, som skal vinkla inn mot Grannatun.

No skal det monterast utliggjarar til båtane. Dette skal gjerast på dugnad av båteigarane. Det er hittil selt 35 plassar og det er i fyrste omgang plass til 40 plassar. Men dette kan aukast ved behov.

Havnesjefen

Gunnar Fresvik som er havnesjef i Grannabryggjo ser til at alt går rett for seg. Gunnar har gjort ein formidabel jobb og hatt kontakten med leverandøren og klargjort alt for mottak.

 

No kjem vegljosa over Sekse

Ei heilt ny løysing, dukka opp på eit møte mellom Ullensvang herad og grunneigarane på Sekse torsdag kveld. Gløym luftspenn, kabel og grøft. No er det solcelle og led som tel. Dei to fyrste teststolpane kjem opp om få dagar.

Johannes H. Sekse

I 2017 løyvde Hordaland fylkeskommune 2 millionar kroner til vegljos langs Fylkesveg 101, Seksevegen. Ullensvang herad fekk oppdraget med å gjennomføra prosjektet.

Ein valde trestolpar og luftspenn og «Mesta» fekk tilbodet i konkurranse med tre andre. Kostnaden deira var under halvparten av den nærmaste.

Motstand

 Men det vart motstand mot luftspenn. Så vart det halde synfaring saman med Mesta, Statens Vegvesen, Kinsarvik breiband og Hardanger Energi for å vurdera ei kombinasjonsløysing mellom luftspenn og kabel i grøft. Men det vart langt dyrare enn dei løyvde kronene.

Her, ved Flisabakken, slutar vegljoset i dag. Dei to prøvemastene skal koma ovom dei.

Det heile tok uhorveleg lang tid, og prosjektet og pengane heldt på å glippa. Så dukka framtidsløysinga opp, utvikla av Mesta. Ledljos med straum frå solcellepanel.

Grubla

 Torsdag kveld møtte tenesteleiar for teknisk drift i Ullensvang herad – Marit Ystanes – grunneigarane for å presentera det nye alternativet. Med seg hadde ho prosjektingeniør Margit Børve.

Heilt sidan ho byrja i stillinga si, har Marit vore oppteken av at prosjekt vegljos på Sekse må verta realisert. Ho hadde grubla både natt og dag på korleis ein skulle få det til.

–  Me må tenkja annleis. Fornybar energi er framtida, sa ho innleiingsvis.    –  Frittståande stolpar gjer det heile meir fleksibelt. Rett nok treng ein litt fleire stolpar (rundt 100) enn elles. Men ein kan til dels bruka stolpar som alt eksisterer.

Innsparing

 Denne løysinga vil medføra ei innsparing på 25 000 kroner årleg på drift. Dei nye ljosa vert tente ved skumring, med 10 prosent styrke. Ved rørsle aukar ljoset til 60 prosent.  Etter 6 timar, sloknar dei. Men det kjem på att med ti prosent styrke om morgonen, og 60 når noko rører seg. To timar direkte solljos gjev nok straum for tre dagars forbruk.

ENGASJERT. Marit Ystanes måtte engajsera seg for å overtyda alle om at led og solcelle var framtida.

No var utfordringa å overtyda grunneigarane. Det var ikkje berre rett-fram. Fleire peika på at heradet burde ha sputta i med dei midlane som mangla for å få ei kombiløysing.

Burde ansvarsgjerast

–  Etter alle millionane ein har brukt på Lofthus sentrum, så ville det ikkje vera for mykje forlangt. –  Heradet burde ansvarsgjerast, vart det sagt.

Mange frykta derimot at det ville ta lang tid – og det var usikkert om det i det heile ville føra fram. Til slutt var det difor full semja om å gå for det nye, framtidsretta, grøne alternativet. Men dei to frå heradet lova å stå på for eventuelt å få til ei opprydding i stolpeskogen som ein i dag finn fleire stader langs Seksevegen.

Kommunal propp

 Dermed losna det, som har stått som ein kommunal propp i to år. Ystanes hadde alt ordna med to prøvestolpar, gratis frå Mesta. Jon Arne Sekse har sagt ja til å plassera dei på sin eigedom.  Åsmund A. Sekse frå Statens Vegvesen skulle syta for at dei kjem på plass. Noko, som etter alt å døma vil skje ein av dei aller fyrste dagane.

Dermed får ein testa ut korleis dei fungerer, før ein går vidare.

FRAMTIDSRETTA. Plansjen fortel kort koreis det nye systemet fungerer. Grunneigar, politikar og breibandmann, Petter Sekse Ulriksen, og ein del andre ynskte seg ei kombiløysing, men sidan ein frykta for at heile prosjektet kunne havarera, samla grunneigarane seg om det tråådlause alternativet.

I neste omgang vil ein då ta ein ny runde for å vurdera plassering, i samarbeid med grunneigarane. Ein kan også bruka ein del av dei eksisterande stolpane. Husvegger som står nær nok, kan og vurderast.

Leiar i Indre Austsio Grannalag, Karl Arvid Andersen, Marit Ystanes og Åsmund A. Sekse fekk velfortent applaus for å ha ført prosessen vidare, slik at ein no får ei endeleg løysing.

 

 

 

 

Grannabryggjo

Grannabryggjo , dronebilde av Espen Bukve

Sommaren er no over og me har lyst å starta opp att dugnadsarbeidet med  bryggjo vår. Jon Arne Sekse og Erling Børve har skrudd saman stokkane. Me har no litt meir skruarbeid før me startar med meir avstiving av kaien. Til slutt skal me leggja golvbjelkar og tredekke av impregnert plank på heile bryggja. Det skal verta ein flott samlingsplass for både unge og gamle.

Dronebilde av Espen Bukve

Bryggja vert på ca 100 m2. Det hadde vore flott visst ein eller to snikkararar kunne ha ført vidare arbeidet med hjelp av oss » vanlige » folk. Håpet vårt er å få ferdig dette arbeidet før vinteren. Ta kontakt med Øyvind Andersen eller Bjørn Terje Svoldal når det gjeld dugnad.

Om  2 til 3 veker vonar me og å sjå det fyrste slepet av bølgebrytarar som kjem sjøvegen frå Tysnes. Det vert krona på verket av det som skal verta den flotte båthavna vår. Bølgebrytarane vert ferdig montert av leverandør. Men sjølve utliggjarane skal setjast saman og monterast til bølgebrytarane på dugnad.

Me har no selt 34 plassar og har endå plass til 6 båtar. Fyrste utbyggingstrinn er planlagt til å kunna ta 40 plassar. Totalt har me løyve til inntil 50 plassar, og me kan utvida til det visst interessa er stor nok.

Gateljos på Seksevegen

Gateljos og fiber ?

Nye gateljos frå Flisabakken til Hovland

Ullensvang Herad har sendt ut informasjon om gateljos langs Seksevegen til berørte grunneigarar. Det skulle bestå av tremaster og luftspenn. Dette med luftspenn er ein nedtur midt oppi gleda over at skulevegen og turvegen vår etter lang tids kamp skulle få ljos. Mesta Elektro er entreprenøren som skal stå for arbeidet. Dette er ein gammal veg og ikkje så enkel når det gjeld oppføring av ljosmaster. Fylkesvegen eig alt frå ca 2 m og ned til 0,5 meter utanfor vegbanen.

Fredag 24. August var det synfaring angåande gateljos langs Seksevegen. Blant dei som deltok var;  Mesta, Statens Vegvesen,Hardanger Energi,Ullensvang Herad og Kinsarvik Breidband.

Ein vurderer no innspel frå grunneigarane og eit modifisert utspel er no på banen. Ein del av strekningen vert no vurdert lagt i grøft. Kinsarvik Breidband og Hardanger Energi kan vera villig til å bidra med det i tillegg til dei 2 millionane som er gitt av Hordaland Fylke.

At det no og kan verta lagt fiber i same traseen er veldig positivt for innbyggjarane langs Seksevegen !

Mesta skal i løpet av komande veke gje inn ny pris for å få ned prisen i forhold til deira opprinnenlege tilbod.

Ullensvang Herad bør og  bidra med det som eventuelt manglar av midlar for å få til ei betre løysing.

 

Leiar IAG