I ruskeveret torsdag morgon, kunne elevane frå Seksekrinsen gå ombord i «Seacruise» på fruktlagerkaien på Børve. Dei vart frakta til Lofthus.
Bussane køyrde riksveg 13 som var open. På Lofthus kunne ungdomskuleelevane ta buss vidare. Ein del andre passasjerar nytta også sjansen med å bruka skyssen som Ullensvang herad har sett opp.
Bak spakane i den flotte skyssbåten, sat eigar og skipper Nils Agasøster, medan Amund Agasøster sytte for at passasjerane kom trygt ombord.
Nisl Agasøster har drive med skyssbåt og skuleskyss i Fitjarøyane i minst to mannsaldrar, så han er vane med litt kvitt på bølgjetoppane, for å seia det slik.
Heradet skal ha ei ny vurdering av situasjonen i dag klokka 12.00.
Her er ein del bilete frå den fyrste skuleskyssen med båt frå Børve:
![Fyrstemann ombord. Alle foto: Johannes H. Sekse](http://indreaustsio.no/wp-content/uploads/2016/09/sk3-225x300.jpg)
Alle foto: Johannes H. Sekse
![Amund Agasøster og Ellen Nydal Sekse sytte for tryggleiken.](http://indreaustsio.no/wp-content/uploads/2016/09/sk4-300x189.jpg)
![Mange spente fjes i køen.](http://indreaustsio.no/wp-content/uploads/2016/09/sk6-300x215.jpg)
![Snart var alle ombord.](http://indreaustsio.no/wp-content/uploads/2016/09/sk8-300x199.jpg)
![Nils Agasøster ser etter at alle er komne ombord.](http://indreaustsio.no/wp-content/uploads/2016/09/sk1-300x244.jpg)
![Rådmann og pappa, Magnus Steigedal overvaka det heile.](http://indreaustsio.no/wp-content/uploads/2016/09/sk10-300x177.jpg)
![Båten med den dyrebarelasta på trygg veg mot Lofthus. Aga i bakgrunnen.](http://indreaustsio.no/wp-content/uploads/2016/09/sk11-300x170.jpg)