Formannskapet drøftar båtskyss

Foreldre ynskjer båtskyss mellom Lofthus og Børve.
Foreldre ynskjer båtskyss mellom Lofthus og Børve. Arkivfoto.

Måndag 3. oktober er det kalla inn til omframt møte i Ullensvang formannskap for å drøfta skuleskyss forbi anleggsområdet Deildo.

Det er berre ei sak som står på lista når formannskapet i Ullensvang møter måndag:

«Avklaring om båtskyss for skuleborna mellom Børve og Lofthus i samband med rassikringsarbeidet på RV13 i Deildo.»

Bakgrunnen for møtet er eit bekymringsbrev frå rundt 40 foreldre i Seksekrinsen, med born som går på Opedal skule.

Mellom anna har det viste seg at sjølv om både llensvang herad og Statens Vegvesen har fosikra om at vegen er trygg, så har det gått ras ut i vegen.

No ynskjer foreldra å få vita korleis dei skal innretta seg. Det går elles klart fram av brevet, at foreldra sterkt ynskjer permanent båttransport mellom Lofthus og Børve, kombiner med buss.

Saka er lagd fram utan tilråding. Møtet startar klokka 08.30

Båtrute fredag også

Siste melding frå heradet:

Fredag 30.09:

Frå Lofthus 7.20 (buss frå Kinsarvik, buss vidare til Odda)

Frå Børve 7.50 (skulebuss som vanleg til Børve – buss frå Lofthus til Kinsarvik)

Frå Lofthus kl. 12.45, (buss frå Voss) retur Børve 13.00 (buss frå Odda)

Frå Lofthus 14.15 (skulebuss frå Kinsarvik 13.57 som vanleg – buss vidare frå Børve)

Frå Børve 15.45 (skulebuss frå Odda 15.15 – buss frå Lofthus til Kinsarvik)

Båtskyss fredag og!
Båtskyss fredag og!

 

Skuleskyss med båt

I ruskeveret torsdag morgon, kunne elevane frå Seksekrinsen gå ombord i «Seacruise» på fruktlagerkaien på Børve. Dei vart frakta til Lofthus.

Bussane køyrde riksveg 13 som var open. På Lofthus kunne ungdomskuleelevane ta buss vidare. Ein del andre passasjerar nytta også sjansen med å bruka skyssen som Ullensvang herad har sett opp.

Bak spakane i den flotte skyssbåten, sat eigar og skipper Nils Agasøster, medan Amund Agasøster sytte for at passasjerane kom trygt ombord.

Nisl Agasøster har drive med skyssbåt og skuleskyss i Fitjarøyane i minst to mannsaldrar, så han er vane med litt kvitt på bølgjetoppane, for å seia det slik.

Heradet skal ha ei ny vurdering av situasjonen i dag klokka 12.00.

Her er ein del bilete frå den fyrste skuleskyssen med båt frå Børve:

Fyrstemann ombord. Alle foto: Johannes H. Sekse
Fyrstemann ombord.
Alle foto: Johannes H. Sekse

 

Amund Agasøster og Ellen Nydal Sekse sytte for tryggleiken.
Amund Agasøster og Ellen Nydal Sekse sytte for tryggleiken.
Mange spente fjes i køen.
Mange spente fjes i køen.
Snart var alle ombord.
Snart var alle ombord.
Nils Agasøster ser etter at alle er komne ombord.
Nils Agasøster ser etter at alle er komne ombord.

 

Rådmann og pappa, Magnus Steigedal overvaka det heile.
Rådmann og pappa, Magnus Steigedal overvaka det heile.
Båten med den dyrebarelasta på trygg veg mot Lofthus. Aga i bakgrunnen.
Båten med den dyrebarelasta på trygg veg mot Lofthus. Aga i bakgrunnen.

Båt mellom Børve og Lofthus

Grunna auka flaum og rasfare har Kriseleiinga i Ullensvang herad vedteke å setja inn båt frå Børve til Lofthus på torsdag.
Skuleelevar som

På grunn av varsel om mykje nedbør, har Ullensvang herad vedteke å setja inn båt forbi anleggsområdet ved Deildo.
På grunn av varsel om mykje nedbør, har Ullensvang herad vedteke å setja inn båt forbi anleggsområdet ved Deildo.

skal til Odda VGS og Kinsarvik og Opedal skular har førerett, heiter det i ei melding frå heradet.
Tider:
Frå Lofthus 7.20 (buss frå Kinsarvik, buss vidare til Odda)
Frå Børve 7.50 (skulebuss som vanleg til Børve – buss frå Lofthus til Kinsarvik)
Frå Lofthus 14.40 (skulebuss frå Kinsarvik 14.30 som vanleg – buss vidare frå Børve)
Frå Børve 15.45 (skulebuss frå Odda 15.15 – buss frå Lofthus til Kinsarvik)

NB! Nye avgangar i tillegg til dei ovanfor:
Frå Lofthus kl. 06.20 retur Børve kl. 06.50 NB Ikkje buss her må me avtala kameratkøyring.
 Frå Lofthus kl. 12.45, (buss frå Voss) retur Børve 13.00(buss frå Odda)
  Frå Lofthus 17.10(når buss frå Voss kjem),retur frå Børve 17.20(buss frå Odda)

Situasjonen vil verta vurdert på nytt torsdag kl. 12.00.

Steintransporten starta opp

Tysdag føremiddag dumpa lekteren «Mikael 1» det fyrste lasset med steinmassar frå Deildo i sjøen på Sekse.

Av Johannes H. Sekse

Anleggsarbeidet ved Deildo har alt vore i gang lenge, men det er fyrst no dei startar med utskiping av massar. Utskipingskaien er klar, og mellomlageret med massar var fullt, opplyste Knut Brusletto i entreprenørselskapet Contexo til Hardanger Folkeblad måndag.

«Dette er ein

HISTORISK!! "Mikael 1" slepper det aller fyrste lasset. Foto: Kjell Sandstå
HISTORISK!! «Mikael 1» slepper det aller fyrste lasset.
Foto: Kjell Sandstå.

stor dag», seier styreleiar Karl Arvid Andersen IAG. Han fekk gladmeldinga på telefon like etter at oppstarten var eit faktum

Eitt minutt

«Grannabryggjo» har fått løyve på 60 000 kubikkmeter til utfylling for småbåthamn på Sekse, og klokka 11.30 tysdag vart det aller fyrste lasset sleppt i djupet. Den 45 meter lange lekteren tek 600 tonn om gongen.

Det meste av tid går med til opplasting og transport. Sjølve tøminga tek berre eitt minutt.Det skjer ved at han rett og slett opnar seg, så massane dett rett ned.

Massane vert lasta opp i lekteren. Foto: Johanne H. Sekse
Massane vert lasta opp i lekteren.
Foto: Johanne H. Sekse

Planar i boks

«Mikael 1» er eigd av firmaet Kragerø Sjøtjenester og har i fleire veker lege ved kai på Børve. I tillegg til Sekse, skal 6000 kubikkmeter fraktast til Aga. Resten av massane er tenkt til utfylling av Røyse i Lofthus sentrum, men Ullensvang herad har ikkje planane i boks, så det må fylgjeleg venta.

Både på Aga og Sekse hadde dei alt på stell, i fylgje byggjeleiar i Statens Vegvesen, Terje Nesse.

40 båtplassar

Med fyllinga på Sekse, kan «Grannabryggjo» få realisert planane om ei småbåthamn, og 38 av dei i alt 40 plassane er alt tildelt.

Lekteren tek 600 tonn massar. Det tek eitt minutt å tøma. Litt meir å fylla. Foto: Johannes H. Sekse
Lekteren tek 600 tonn massar. Det tek eitt minutt å tøma. Litt meir å fylla.
Foto: Johannes H. Sekse

Karl Arvid Andersen seier at mange har gjort ein stor innsats for at ein er komne så langt. Ein av dei er styreleiar Siv Hamstad Haukelidsæter i «Grannabryggjo» – som har gjort ein kjempejobb.

Servicebygg

oktober vert det omframt årsmøte for å planleggja arbeidet vidare. Økonomien vert ei stor utfordring, og det er aktuelt med låneopptak.

Massane har vore mellomlagra her. Og no var det fullt! Foto: Johannes H. Sekse
Massane har vore mellomlagra her. Og no var det fullt!
Foto: Johannes H. Sekse

Andersen ser og fram til at ein får realisert det planlagde servicebygget i tilknyting til småbåthamna. Mellom anna vonar han det let seg gjera å få i gang ein gardsbutikk, der grunneigarane og andre i området får høve til å selja produkta sine.

 

 

 

 

 

Grannabryggjo

Det har vore stilt lenge om framdrifta i Grannabryggjo, men det har vorte jobba hardt og  intensivt for å få planane klare.

Styreleiar Siv Hamstad Haukelidsæter har i lag med sitt styre lagt ned ein imponerande innsats for å få alle godkjenningar i havn tidsnok. Grannbryggjo har kjøpt tomte frå Statens Vegvesen for kr 50 000,-

Dette er eit dugnadsprosjekt som me har fått mykje ros for frå mange kantar, men det er no alvoret byrjar. Dei fleste har sikkert lagt merke til «Mikael 1» som i lengre tid har lagt fortøyd på Børve i påvente av frakting av stein frå Deildo. I går, Torsdag 22.09 kasta dei loss og var ute og prøvekøyrde. Mandag førstkomande startar fyrste tur til Deildo. Fyrste runde går til Aga. deretter står Sekse for tur i følge mannskapet. Lektaren kan lasta 700 tonn, men vil no frakta ca 600 tonn pr tur.lekter

Me oppmodar flest mogeleg til å verta medlemmer i Grannabryggjo enten dei har båt eller ikkje.(kontakt Siv H. Haukelidsæter for medlemskap eller båtplass) Alle medlemmer har ei stemme enten dei er båteigar eller berre medlem. Dette skal verta ei staseleg havn / samlingsplass med aktivitetspark på land, badestand, friområde etc.

Det vert helde omframt årsmøte i Grannabryggjo mandag 10.10.2016. Kl 2000 i Grannatun på Sekse

 

 

Tid for å hausta inn

Fin arbeidsplass på denne tida av året. Redaksjonen i IAG si nettside ynskjer også noko å "hausta" inn. Kom med tips!
Fin arbeidsplass på denne tida av året. Redaksjonen i IAG si nettside ynskjer også noko å «hausta» inn. Kom med tips!

Innhaustinga er i full gang. Utsikt innover fjorden forbi Hovland og Kvalnes. Ein kan ikkje ha betre arbeidsplass enn dette no.
Redaksjonen vår skulle gjerne også hatt meir å hausta av. Me ber difor folk om innspel og tips, bilete og stoff – nytt som gamalt. Epostdaresse: johannes.sekse@gmail.com.

Fin tur til Oksen

Fjordaturen med MS Lindenes vart avlyst, men turen til Oksen vart likevel gjennomført. Me tok oss til Tjoflot med privatbilar.

Etterkvart kom me alle opp til varden på Oksen og samla oss til gruppebilete:DSC_0204

DSC_0207

Vêret var strålande og utsikta til alle kantar framifrå. Her er eit gruppebilete teke innover mot Eidfjord og med Hardangerbrua som bakgrunn:

DSC_0213

Vegen ned att gjekk til Djønno der vi hadde ein bil ståande. Fjorten stykk var med på turen.

–Alle var samde om at det hadde vore ein fin tur!

Kakefest gav opptur på nettet

 

Flott fest med imponerande utsikt.
Flott fest med imponerande utsikt.

 

Reportasjen om kakefesten og opning av det fantastisk flotte poskassehuset i Flisabakken, gav eksplosiv auke i besøkstalet på IAG si heimeside.

Av Johannes H. Sekse

Som kjent har Indre Austsio arbeidd lenge med å få på plass ei ny heimeside. Ho har vore ferdig ei stund no, men på grunn av ferietid og sommar, har ein ikkje kome skikkeleg i gang. Fylgjeleg har det vore lite trafikk og tilsvarande lite interesse for sida vår.

Etter eit lite lynkurs på fredag, fekk me lagt ut ein reportasje om det flotte poskassehuset, og det førde til ein eksplosjon i visittalet, som auka frå 1 til 21 visningar – eller 2000 prosent oppgang. Og ein auke frå 3 til 87 aktive brukarar – som utgjer 2800 prosent!

Anne-Marie Olsen Korhonen er fuglefotograf og Laila F. Sandstå, som laga ei kjempegod molteblautkake til festen, hadde begge kledd seg i tråd med postkassane. Foto:Kjell Sandstå.
Anne-Marie Olsen Korhonen er fuglefotograf og Laila F. Sandstå, som laga ei kjempegod molteblautkake til festen, hadde begge kledd seg i tråd med postkassane. Foto:Kjell Sandstå.

21 visningar og 87 brukarar er derimot ikkje så imponerande, viss me ser litt reaistisk på dette. Men å hoppa frå bortimot dvale – til å røra litt på seg, er dette ein god start.

Det er langt att til målet vårt – om å få ei oppegåande side, der «alle» får lyst å vera innom minst ein gong om dagen.

Det er ambisiøse mål, men me er motiverte. Og så treng me innspel.

Kveldsstemning i postkassehuset. Foto: Laila F. Sandstå.
Kveldsstemning i postkassehuset. Foto: Laila F. Sandstå.

Dei ulike organisasjonane kan sjølve leggja ut stoff på sitt eige området, og nokon gjer det alt. Andre vil få opplæring. Det er berre å ta kontakt.

Alle andre kan senda tips, bilete og saker til denne epostadressa:

johannes.sekse@gmail.com eller ta kontakt på mobil 411 05 951.

 

I mellomtida legg me ut endå nokre bilete av og om det staselegaste postkassehuset i verda, som nokon hevdar det er.

 

 

 

 

Takk for fine fuglar!

 

Anne Marie klipper snora. Foto: Tuomo Korhonen.
Anne Marie klipper snora.
Foto: Tuomo Korhonen.

«Takk for fine fuglar», seier Ragna Kvalnes. Saman med dei andre som bur i «øvregato» i Flisabakken, har ho nett vore med på offisiell opning at eit fantatisk flott postkassestativ.

Av: Johannes H. Sekse

I langt tid har dei som bur i Flisabakken sett på at det gamle postkassestativet heldt på å forfalla. Eternittaket forvitra, stativet var veldig stygt og skeivt og avisene var våte.

Det var fyrst då Gunnbjørg Midtbø flytta hit, at det skjedde noko. Frå huset sitt såg ho rett ned på stativet.

-Ein dag kom ho og spurde om ikkje me skulle få gjort noko, seier Laila F. Sandstå, som har laga ei kjempegod molteblautkake til opningsfesten.

Laila tente på ideen, og kontakta nabo og fuglefotograf Anne Marie Korhonen med spørsmål om det kunne la seg gjera å få fuglemotiv på dei nye kassane, som sjølv hadde vore inne på tanken.

Dermed vart prosessen sett i gang med grundig planleggging, prosjektering, teikning, innkjøpa av det som trogst og mykje dugnadsarbeid. Den vesle vegstubben er sjølvhjelpen med dei alle fleste fagområda og nokon er som poteto – brukande til det meste.

Foto av fuglar tekne i Flisabaken av Anne-Marie Olsen Korhonen. FOTO: Tuomo.
Foto av fuglar tekne i Flisabaken av Anne-Marie Olsen Korhonen.
FOTO: Tuomo.

Alle – bortsett frå ein – kjøpte nye, kvite postkassar, og Anne Marie fekk laga store klebebilete av ulike fuglar – alle fotograferte i Flisabakken. Kvar husstand har fått sin fugl.

Nybygget er truleg det finaste og mest spesielle i heile landet, meiner Laila. Det store taket, gjer at dei står godt skjerma for vind og regn når dei hentar posten sin. Også postdamo har kome med vellete. I tillegg til postkassane er det to radlebenkar der naboane kan løysa store verdsproblem som kommunestruktur og småbåthamn. Når kvelden trekkjer på, slår lyset seg på. På veggen er og ei oversikt med informasjon om dei ulike fuglane.

Når dei hadde lagt så mykje arbeid i verket, kunne dei ikkje ta det skikkeleg i bruk før det hadde fått ei skikkeleg offisiell opning.  Dermed kalla Flisabakken Vel inn til postkassefest på torsdag (11. august).

Foto av fuglar tekne i Flisabaken av Anne-Marie Olsen Korhonen. FOTO: Tuomo.
Foto av fuglar tekne i Flisabaken av Anne-Marie Olsen Korhonen.
FOTO: Tuomo.

«Ta med kopp og godt humør!» stod det på plakaten. Og det gjorde dei. Seremonien starta med at Liv Turid Hjeltnes, ikledd serveringsbunad, sende champagnekorken høgt i veret. Det var naturleg nok Anne Marie som fekk æra av å klippa den staselege snora, godt supplert av snorhaldarane Kjell Sandstå og Anve Tveit, medan Laila F. Sandstå kom med saksa – på ei flott pute.

Liv Turid HJeltnes hadde pynta seg for dagen og opna med ein champagnesmell.
Liv Turid HJeltnes hadde pynta seg for dagen og opna med ein champagnesmell.

Deretter samla alle seg rundt langbord til opningsfest. Anve Tveit hadde også laga ein eigen kviss med mange spørsmål som stort sett var knytte til nabolaget. Eit av spørsmåla var kor mange familiar som hadde budd i lærarbustaden. Og rett svar er sju.